Qytetarët që po dalin nga Kosova përmes pikave kufitare po përballen me pritje të gjata, veçanërisht në pikën kufitare të Merdares, ku koha e pritjes ka arritur deri në dy orë.
Sipas të dhënave të fundit të Qendrës Kombëtare për Menaxhim Kufitar, situata është e ngjashme edhe në pikën kufitare te Dheu i Bardhë, ku qytetarët po presin deri në 90 minuta për të kaluar kufirin.
Ndërkohë, në pikën kufitare të Jarinjës, gjendja është më e lehtësuar, me kohë pritjeje që varion nga 20 deri në 40 minuta, ndërsa për hyrje në Kosovë përmes kësaj pike, pritjet shkojnë deri në 30 minuta.
Në pikat e tjera kufitare, koha e pritjes është më e shkurtër, dhe aktualisht nuk tejkalon 10 minuta.
Autoritetet u bëjnë thirrje qytetarëve të planifikojnë udhëtimet me kohë dhe të monitorojnë gjendjen në kufi përmes platformave zyrtare për të shmangur vonesat.
