Sulmuesi i PSG-së, Randal Kolo Muani, ka dalë si objektivi kryesor i sulmit për Juventusin këtë muaj. Sipas Tuttosport, sulmuesi francez ka rënë dakord për një transferim në Torino.
Sulmuesi francez i PSG-së, Kolo Muani, është i hapur për t’u bashkuar me Juventusin këtë muaj, dhe sipas gazetës Tuttosport, ai ka rënë tashmë dakord për të kaluar te Allianz Stadium.
Bianconerët janë duke kërkuar një sulmues rezervë për Dusan Vlahovic, dhe Kolo Muani ka ardhur si objekti kryesor i tyre, pasi është në dispozicion me huazim nga PSG.
Sulmuesi 26-vjeçar nuk është më pjesë e planeve të Luis Enrique në Paris, por Juventusi ende nuk ka arritur një marrëveshje me PSG-në.
Juventusi ka nevojë që gjigantët e Ligue 1 të paguajnë një pjesë të pagës së lojtarit për pjesën e dytë të sezonit, dhe ende nuk është e qartë nëse gjigantët e Serie A duan të përfshijnë një opsion për ta blerë atë.
Klube të tjera evropiane, si Manchester United, janë të interesuara për sulmuesin francez, por raportet e fundit nga Italia sugjerojnë se Juventusi është duke udhëhequr garën për ta nënshkruar atë.
