Te skuadra e Kolnit po presin që të paktën dy futbollistë ta kërkojnë largimin nga klubi në këtë afat kalimtar, ku njëri prej tyre po pritet të jetë Leart Paqarada.
“Një ose dy lojtarë me siguri do të më kontaktojnë për të më thënë se duan të largohen nga klubi. Kështu që, të shohim se çfarë do të ndodhë deri në fund të këtij muaji”, ka paralajmëruar drejtori sportiv Thomas Kessler.
Paqarada javët e fundit po kërkohet në Angli nga Bristol City, ekip që bën gara në Championship pasi po kërkohet nga ish-trajneri i tij, Gerhard Struber.
Thuhet se Paqarada ka vendosur të largohet nga Kolni, ekip me të cilin ka kontratë deri në verën e vitit të ardhshëm kurse karrierë 30-vjeçari ka bërë edhe te St. Pauli e Sandhauseni.
