Portieri Enea Koliçi, që u paraqit në konferencën për shtyp, insiston se Ballkani ndaj Astanas, sikurse ndaj secilit kundërshtar, do të futet për fitore.
Ai pranoi se nuk do të jetë mision i lehtë për shkak se Astana mbetet ekip shumë i fortë, përkundër që nuk e ka asnjë pikë në grup.
“Ne gjithmonë, në secilën ndeshje, futemi për të fituar dhe kështu do të jetë edhe ndaj Astanas. Pavarësisht se Astana nuk ka fitore, nuk do të thotë se është kundërshtar i lehtë. Kemi shumë respekt për kundërshtarin, por më shumë e respektojmë veten. Përballemi me një ekip shumë të fortë dhe është e rëndësishme që të vazhdojmë me formën e mirë që e kemi treguar deri më tani si vendas”, u shpreh Koliçi.
