jatë seancës së sotme gjyqësore për rastin e vrasjes së Liridona Ademajt, dëshminë e tij e ka dhënë Kushtrim Kokalla, ku ka folur për mënyrën e intervistimit dhe trajtimin nga policia.
I pyetur nga avokati i tij, Ndrecë Dodaj, se si kishte përfunduar në polici, Kokalla tha se ishte ftuar nga autoritetet.
“Më kanë thirrë Policia që të dorëzohem në stacionin policor në Gjakovë,” deklaroi ai.
Ai tregoi se pas ardhjes në Prishtinë, intervistimi nuk kishte nisur menjëherë.
“Intervistimi ka nis diku 30 minuta me vonesë,” tha Kokalla.
Në lidhje me trajtimin nga policia, ai theksoi se nuk kishte përjetuar dhunë fizike.
“Realisht nuk mund të them se më kanë keqtrajtuar policia. Nuk kam pasë dhunë fizike,” u shpreh ai.
Megjithatë, Kokalla pretendoi se gjatë kohës para intervistimit i ishin bërë deklarata nga zyrtarët policorë pa praninë e avokatit.
“Më thanë pse më kanë arrestu, që ti je kryesori edhe pse s’e ke ngrit gishtin, ti e ke bo skenarin dhe është në interesin të juajin dhe tonin të na tregosh si e ke bërë skenarin. Në atë moment nuk ishte prezent avokati,” deklaroi ai.
Sipas tij, më pas i ishte mundësuar një bisedë e shkurtër me avokatin.
“Më mundësuan me bisedu me avokatin, shkurt 2-3 minuta, dhe i thash që s’kam të bëj me këtë rast,” shtoi Kokalla.
Ai gjithashtu përshkroi mënyrën se si ishte zhvilluar intervistimi nga hetuesit.
“Gjatë intervistimit kanë qenë 4-5 policë hetues. Më kujtohet se njëri shkruante, tjetri bënte pyetje, pa e përfunduar përgjigjen tjetri bënte pyetje,” tha ai.
Në fund, Kokalla mohoi çdo përfshirje në rast.
“Nuk kam pas asnjë lidhje me këtë punë, që e kam taku me Granitin e me Naimin për kryerjen e veprës,” deklaroi ai.
