Me anë të një postimi në Facebook, Komiteti Olimpik i Kosovës është krenuar me të arriturat e sportistëve tanë deri më tani në Lojërat Olimpike “Parisi 2024”.
Në Olimpiadën që po mbahet në kryeqytetin francez, Kosova brenda kësaj jave ka siguruar dy medalje dhe të dyja në sportin e xhudos.
Distria Krasniqi e fitoi të argjendtën në kategorinë deri 52 kilogramë, ndërsa Laura Fazliu siguroi të bronztën në kategorinë deri 63 kilogramë
Falë këtyre dy medaljeve të fituara, Kosova renditet e 24-ta prej 206 ekipeve olimpike që po marrin pjesë në Paris.
Në fakt, me dy medalje të fituara deri më tani, Kosova është vendi i parë në Ballkan, sukses të cilin e ka vlerësuar lart KOK-u.
“Në vendin e 24-të nga 206 ekipet olimpike. Sukses se jo mahi! Jemi me numër medaljesh më shumë se të gjitha shtetet e Ballkanit. Vetëm 43 shtete kanë fituar medalje deri më sot!”, ka shkruar KOK-u.
