Sipas tij, në mungesë të ligjit pacientët po edhe shteti po detyrohen të paguajnë miliona euro për ta kryer këtë shërbim jashtë Kosovës.
“E para, ajo është një pengesë e qasjes së pacientit në shërbim shëndetësor për faktin se ata duhet të shkojnë ta marrin trajtimin diku tjetër dhe është padyshim edhe një kosto buxhetore për shtetin, por edhe për shëndetin e pacientëve që ne konsiderojmë që ata do të duhej që këtë shërbim ta merrnin këtu, mirëpo edhe marrja e shërbimit këtu kërkon disa procedua, kërkon aprovimin e ligjit për transplantimin e organeve. Për t’u bërë një ligj i tillë duhet të ketë një sundim të ligjit pak më të mirë për faktin se mundësia që të abuzohet me të mund të jetë shumë e madhe, siç ka ndodhur edhe në vendet e tjera dhe e dimë që në vitin 2011 ky ligj ka kaluar në leximin e parë në Kuvend, mirëpo me iniciativën e EULEX, pastaj u tërhoq për faktin se u konsiderua se Kosova ende nuk i ka plotësuar kushtet për diçka të tillë. Tani besoj se Kosova ka një historik të shtetit që është krijuar dhe konsideroj që rrethanat kanë ndryshuar dhe duhet të kemi një vlerësim tjetër se a është e gatshme Kosova për të bërë një ligj të tillë dhe të fillojë procedurat për ta bërë pse jo, që qytetarët të kenë mundësi për transplantim të organeve kur ata kanë nevojë”, tha ai në emisionin “De Jure” në Tëvë1.
Për më shumë, ndiqeni hulumtimin e emisionit “De Jure” me titull “Jeta në dializë”, i cili transmetohet në “Tëvë1” dhe “Betimi për Drejtësi./Tëvë1/
