Patrick Viera do të jetë trajneri i ri i skuadrës së Genoa-s.
Eksperti i transferimeve, Fabrizio Romano, ka zbuluar se tekniku francez dhe klubi italian kanë arritur marrëveshjen këtë të martë, ndërsa tashmë mungon vetëm zyrtarizimi.
Te Genoa, Viera do të zëvendësojë Alberto Gilardino-n, i cili do të largohet nga klubi italian për shkak të rezultateve zhgënjyese në 12 javët e para të këtij sezoni të Serie A.
Aktualisht Genoa renditet në vend të 17 me vetëm 10 pikë, një pozicion shumë i rrezikshëm, duke qenë se është shumë pranë zonës së rënies nga kategoria.
Viera pritet që të marrë drejtimin e Genoa-s shumë shpejt, për të nisur nga puna në Serie A.
48-vjeçari francez ishte pa skuadër që nga muaji korrik, pas largimit nga Strasbourg-u dhe tashmë është gati për të nisur një rrugëtim të ri, këtë herë në një kampionat që e shkel për herë të parë si trajner.
Ndërsa si lojtarë, Patrick Viera ka luajtur për disa nga gjigantët e Serie A siç janë Milan, Inter dhe Juventus.
