Manchester Unitedi dhe Arsenali janë në garë të fortë për shërbimet e sulmuesit Joshua Zirkzee, kanë njoftuar të hënën mediumet angleze.
Mësohet se skuadrat nga Premier League po insistojnë në transferimin e 22-vjeçarit gjatë kësaj vere dhe tashmë kanë kontaktuar me Bolognan.
Zirkzee është pjesë e ekipit nga Serie A, me të cilin ka kontratë deri në verën e vitit 2026.
Në 27 paraqitje këtë edicion në të gjitha garat, Zirkzee ka shënuar 10 gola dhe ka bërë 6 asistime për Bolognan. Ai iu bashkua Bolognas në vitin 2022 nga Bayern Munichu dhe ekipi italian për kartonin e tij po kërkon të paktën 30 milionë euro.
