Kryetari i Shoqatës së Gastronomëve, Petrit Kllokoqi, thotë se për krizën ekonomike në Kosovë ekzistojnë pesë arsye.
Kllokoqi përmes një postimi në Facebook, ka renditur arsyet, duke filluar me ngritjen e çmimeve të ndërtimit, të produkteve bazike, e deri te ngritja e çmimeve te artistët.
“Rritja marramendëse e çmimeve të ndërtimit duke vazhduar vallën e pronarëve të lokaleve dhe duke llogaritur kthimin e investimit pas 10 dhe 15 vjetësh, duke ngarkuar bizneset me QIRA pa asnjë llogari matematike”, ka shkruar ai.
Tutje, ai ka thënë se tashmë në krizën ekonomike po ndikon edhe liberalizimi i vizave.
“Halla e madhe e valles tash është liberalizimi ku paratë po derdhen jashtë vendit, kjo u pritë me ndodh edhe normal që ka ndodh se njerëzit duhet me shëtit, ama na ja nxjerrim bishtin me borxh nismi për deti. 23,000 veta për një vikend në Salonik, dmth me nali një Grek ma bojke sa milion KOSOVAR jeni o vlla se na TRANUT”.
Sipas Kllokoqit, gastronomët janë në luftë të drejtpërdrejtë me qytetarin, duke thënë se rroga e tij është ende e vogël në proporcion me atë të tregut.
Ai tha se konsumi dhe qarkulli kanë rënë, mirëpo që sipas tij, është virus që ngadalë do t’i kap të gjitha bizneset./teve1.info/
