Përmes një konference për medie, Klinaku tha se si ushtri e UÇK-së i kanë dalë në ballë 100 mijë pjesëtarëve të forcave serbe.
“Në momentin që policia rrezikohet ne do të dalim në mbrojtje të policisë, dhe nëse Serbia mendon që ta realizoj kërkesën për futje të 1000 trupave, ne u themi që u kemi dalë në ballë 50 mijë e 100 mijë trupave serbe dhe do t’i dalim përballë prapë por presim që të mos vijë deri tek kjo kërkesë e institucioneve ndërkombëtare”, u shpreh Klinaku.
Sipas tij, OVL e UÇK-së kërkon nga Qeveria e Kosovës dhe Kuvendi që të bashkëpunojnë me faktorin ndërkombëtar, SHBA dhe Evropë që të qetësoj situatën në veriun e Kosovës dhe të hiqen barrikadat.
“OVL e UÇK-së është e strukturuar gjithkund në Kosovë dhe veteranët do të bashkëpunojnë me degët dhe të sqarohen për situatën aktuale dhe situatën që mund të jetë në të ardhmen dhe të përgjigjemi në çfarëdo forme apo rrethane”, u shpreh Kliniku.
Ai shtoi se zgjidhje politike vetëm për serbët nuk duhet ta bëhet sepse sipas Klinakut Kosova e ka problemin e shqiptarëve që jetojnë në Luginë.
