Në lidhje me këtë, nëna e saj ka raportuar në Polici rastin, ku ka akuzuar mjekët për neglizhencë, transmeton tëvë1.info.
Nga Klinika e Pediatrisë kanë mohuar se ka pasur neglizhencë në rastin e 9-vjeçares, teksa kanë thënë se fëmija fillimisht ishte pranuar në Repartin COVID-19, për shkak se ka rezultuar pozitiv për COVID, ku më pas ishte vërtetuar se kishte sëmundje të rënda akute.
“Klinika e Pediatrisë sqaron se fëmija fillimisht ishte pranuar në Repartin COVID-19, për shkak se ka rezultuar pozitiv për COVID. Pas ekzaminimeve shtesë vërtetohet se fëmija ka sëmundje të rëndë akute dhe për këtë njoftohen prindërit. Më pëlqimin, aprovimin dhe nënshkrimin e prindërve, fëmija fillon terapinë dhe trajtimin e nevojshëm”.
“Klinika e Pediatrisë sqaron se nuk ka pasur neglizhencë në trajtimin e fëmijët”, thuhet në sqarimin e Klinikës.
Po ashtu nga kjo klinikë kanë bërë të ditur se “për çdo veprim, analizë, procedurë diagnostike dhe fillimin e terapisë për sëmundjen e rëndë akute janë njoftuar prindërit, ku është marrë pëlqimi dhe nënshkrimi i tyre”.
Ndrësa, Klinika Pediatrike thotë se janë në pritje të rezultatit nga Mjekësia Ligjore.
“Klinika e Pediatrisë do të ofrojë gjithë bashkëpunimin e nevojshëm për hulumtimin e rastit nga organet kompetente”, thuhet në sqarim.
