Ai u ka bërë thirrje atyre që të mos e provokojnë situatën teksa shtoi se me miratimin e Ligjit për pagën minimale, deputetët vepruan kundërligjshëm.
Tutje, ai ka folur edhe për kryeministrin e vendit, Albin Kurti duke e quajtur si “kokëfortë”, duke thënë se “mendon se do të na shtrijë për tokë”.
“Edhe pse ka kohë qe kemi paralajmëruar se do ta kundërshtojmë këtë, kryeneçësia e këtij kryeministri që është dashur ta presim një muaj, e për takimin e dytë pritem 8 muaj takim që mbeti në gjysmë, na detyroj të jemi këtu. Ai mendon se duke mos bashkëpunuar me ne si dhe me sindikatat, mendon se do të na shtrij për toke”, tha Klinaku.
Tutje, ai pati edhe një porosi për Kurtin, duke thënë se “Qeveria shkon e vjen, ne nuk e kemi ndërmend të ndalemi”.
“Qeveria shkon e vjen, e ne nuk e kemi ndërmend të ndalemi. Për shkak të këtij turpi të deputetëve, u detyruam të dalim në protestë, sepse po mohohet lufta që u bë dhe po u shkelen të drejtat veteranëve”, tha ai.
Ndërkaq, protestuesit tashmë kanë hyrë në oborrin e Kuvendit të Kosovës, teksa aty janë një numër i madh i Njësive Speciale të Kosovës./teve1.info/