Ushtruesi i detyrës së kryetarit të OVL-UÇK-së, Faton Klinaku ka reaguar përsëri, duke kërkuar të mos fliten “budallallëqe”.
Në një postim në Facebook ai i ka kërkuar falje publikut, që e ka “vlerësuar aq lart një njeri”, që nuk e ka merituar, siç thotë ai, vlerësimin e tij, përcjell teve1.info
“Koncentrohuni, mos folni budallallëqe!Thënie popullore: “E pres dorën e nuk vjedh”! A mos e kam kërcënuar dorën time!? I kërkoj falje publikut të gjerë që e kam vlerësuar aq lart një njeri që nuk e meriton vlerësimin tim”, ka shkruar ai.
Dy ditë më parë, Klinaku është intervistuar nga Policia, për deklaratën që bëri për kryeministrin Albin Kurti, ku është shprehur se “më parë e vras Albin Kurtin sesa që ia lëshoj rrugën e iku nga Kosova”. /Teve1.info/