Andaj komuna ka ftuar të gjithë ata që kanë mundësi të kontribuojnë në këtë fond.
“Prandaj ne kemi krijuar Fondin Emergjent për Vërshimet dhe ju bëj thirrje të gjithë njerëzve vullnetmirë, përfaqësuesve të bizneseve, diasporës, institucioneve brenda dhe jashtë Kosovës, bamirësve dhe të gjithë të tjerëve që kanë një mundësi, të na ndihmoni në rindërtimin e zonave të shkatërruara, rimëkëmbjen e familjeve të prekura nga kjo fatkeqësi dhe kthimin e jetës normale”, ka shkruar komuna.
Komuna ka publikuar edhe detajet bankare për të gjithë të interesuarit që të kontribuojnë.
“Në çdo fatkeqësi natyrore apo vështirësi, shqiptarët kanë treguar zemërgjerësi duke qenë çdo herë krah i fortë për njëri tjetrin, prandaj jam besimplotë se edhe këtë herë nuk do të mbesim vetëm as ne si komunë as qytetarët”, shkruhet në një postim.
