Autore: Adea Mustafaj
Në këtë mënyrë po detyrohet ta kalojë oborrin e shtëpisë.
Kjo meqë mëngjesin e së martës, Kolë Kolaj, pa se pjesa para shtëpisë ishte vërshuar nga uji.
Krejt kjo, si pasojë e reshjeve të dendura të shiut në ditët e fundit.
Në këtë formë, edhe fshati Krueshevë e Madhe në komunën e Klinës, nuk i shpëtoi vërshimeve.
“Prej masdite dje ka fillu edhe sot pe shihni vet osht rrit uji dhe ka marrë vendin i kan ndot bunaret nuk pihet uji , është i pa përdorshëm. Kur bjen ujë shpesh bohet po që 4-5 vjet ska ndodh me kon vërshim e tash po. Deme materiale deri tash jo po bunaret i kan ndot ujin duhet me ble e keshtu po nese bjen ma teper o rrezik me bo deme materiale”, thotë Kolë Kolaj, banor.
Vërshimet në këtë fshat, lanë banorët edhe pa ujë të pijshëm.
“Edhe para 3 viteve është kon qeshtu edhe ma zi është kon si ka dal drini tash ju jeni tu e pa edhe vet tash une i kam qu durt kush me nimon me ndihmon kush jo i qoj durt perpjet.Me motorr mka shkaktu plus tjera sene kqyrni me ujë cka me bo tash une vet i 4ti jom nshpi me nje ndihmë sociale a jetohet jo bohet cka bohet. 200 euro e kom ble vet, cka me bo une i shkreti”, shprehet Zef Nugujani.
E këto dëme, nga Komuna e Klinës, thonë se janë duke u vlerësuar.
“Përveç në këtë pjesë të komunës së Klinës në të gjitha zonat ku ka shtrirje të lumenjve, ku janë rrjedhat e lumenjve, ka vërshime, në fshatrat Ujmir, Shtaricë,Gjorgjevik i madh, si edhe ne pjesen rrjedhëse të lumit Drini i Bardh, duke përfshirë fshatrat, e edhe në pjesen e Lumbardhit të Pejës,pastaj duke përfshirë edhe pjesët Dugojevë, Zajm, por që me ekipet jemi duke monitoru situaten, ku shihet që nuk ka rritje të nivelit por që prap janë zona të përmbytura dhe lidhur me vlerësimin e dëmeve, ekipet dhe komisioni do dalin në teren dhe do bëjnë vlerësimin e dëmeve”, thotë kryetari i komunës Zenun Elezaj.
Sipas Institutit Hidrometeorologjik të Kosovës, si shkak i reshjeve të pa ndërprera pos Klinës, janë prekur edhe komuna e Gjakovës, Junikut, Deçanit dhe Malishevës.
