Policia e Kosovës ka thënë se gjatë patrullimit kanë zbuluar në muret e disa shtëpive në Leposaviq disa grafitë të shkruara me përmbajtjen kundër rendit të Republikës së Kosovës.
Ekipi i Tëvë 1 i cili sot gjatë ditës ka qenë në Leposaviq, ka fotografuar këto grafite.
Në qendër të këtyre grafiteve, ku është simboli i organizatës serbe “Severna Brigada” shkruhet: Mos u shqetësoni, jemi këtu që t’ju mbrojmë.
Ndërsa një mbishkrim tjetër, thuhet : Është obligim i secilit, rezistencë në çdo hap.
Ndryshe, policia ka bërë të ditur se rasti është duke u hetuar nga ekipi përkatës i hetuesisë.
“Leposaviq 06.09.2023 – 00:40. Njësitet policore gjatë patrullimit në muret e disa shtëpive kanë zbuluar disa grafitë të shkruara me përmbajtjen kundër rendit të Republikës së Kosovës. Në lidhje me rastin është konsultuar prokurori i shtetit, rasti vazhdon të hetohet nga ekipet përkatëse të hetuesit”, njofton Policia.
Organizata serbe “Severna Brigada” përmes postimit në rrjetin social Facebook, ka kërcënuar kryeministrin e Kosovës, Albin Kurti dhe ministrin e Brendshëm, Xhelal Sveçla.
Kërcënimet nga kjo organizatë kanë ardhur pasi Policia e Kosovës, të martën në një shtëpi të pa banuar në Zveçan kishte gjetur dhe sekuestruar një sasi të armatimit./teve1.info/
