Qendra Kombëtare për Menaxhim Kufitar i ka përditësuar të dhënat sa i përket kalimit në pikat kufitare të Kosovës.
Sipas këtyre të dhënave, aktualisht në hyrje tek Dheu i Bardhë ka pritje deri në 20 minuta dhe kolona është e gjatë rreth 100 metra.
Në Han të Elezit pritja në hyrje është deri në 15 minuta, ndërsa kolona raportohet të jetë e gjatë deri në 500 metra.
Sipas kësaj qendre, pritje deri në 15 minuta ka edhe në hyrje të pikave kufitare në Jarinjë dhe në Merdarë, por nuk ka kolona.
Ndërkaq, në pikën kufitare në Vërmicë qytetarët po presin deri në 35 minuta për të hyrë në Kosovë, kurse kolona është deri në 700 metra.
Sa i përket vendkalimeve tjera kufitare të Kosovës, pritjet nuk janë më të gjata se 3 deri në 5 minuta./teve1.info/
