Koalicioni për Integritet dhe Transparencë në Universitete (KITU), ka shprehur indinjatën pasi që sipas tyre, MASHTI ka emëruar një anëtar të shoqërisë civile në Komisionin për Shqyrtimin e Aplikimeve për Anëtarët e Këshillit Shtetëror të Cilësisë (KShC).
Sipas tyre personi i emëruar vjen nga organizata EdGuard.
Për ta kjo është e papranueshme pasi në këtë pozitë do të duhej të emërohej një anëtar nga koalicioni.
“Ky mos emërim është i pa pranueshëm për koalicionin KITU, i vetmi i përbërë nga organizatat që punojnë në arsimin e lartë, duke pasur si anëtarë të vet organizata të specializuara në monitorimin e Agjencisë së Kosovës për Akreditim dhe çështjeve të arsimit të lartë në përgjithësi”, thuhet në reagim.
KITU, thotë deklarata, zotohet se nuk do të lejojë kapjen e asnjë institucioni sidomos jo duke legjitimuar procese të tilla në emër të shoqërisë civile.
