Prokuroria Speciale ka ngritur aktakuzë ndaj B.V. me dyshimin për përgatitje të veprave terroriste ose veprave penale kundër rendit kushtetues dhe sigurisë publike në Kosovë, raporton teve1.info
Sipas komunikatës së Prokurorisë, i dyshuari B.V. kishte përgatitur sulme terroriste në Kosovë me materiale të rrezikshme dhe vdekjeprurëse për jetën e njerëzve ndaj komunitetit LGBTI.
“Prokuroria Speciale njofton se ekziston dyshimi i bazuar mirë se i pandehuri B.V. ka bërë përgatitje të sulmeve terroriste në Kosovë, me materie të rrezikshme, dhe vdekjeprurëse për jetën e njerëzve në kombinim me, NITRATE DE CALCIUM, në sheshin e Prishtinës ndaj pjesëtareve të komunitetit LGBTI dhe në pikën kufitare Merdarë, i njëjti me datë 21.02.2023, arrestohet nga Policia e Kosovës.
Me këto veprime i pandehuri B.V. ka kryer veprën penale “Përgatitja e veprave terroriste ose veprave penale kundër rendit kushtetues dhe sigurisë së Republikës së Kosovës”, nga neni 138 paragrafi 1 lidhur me veprën penale kryerja e veprës terroriste nga neni 129 paragrafi 1 të KPRK-së”, thuhet në komunikatë.
