Sulmuesi Sokol Kiqina më nuk është pjesë e skuadrës së Ferizajt.
Ekipi që bën gara në Superligën e Kosovës, të hënën ka njoftuar se me marrëveshje të dyanshme ka ndërprerë bashkëpunimin me 22-vjeçarin.
Ferizaj ka falënderuar Kiqinën për kontributin, si dhe i ka dëshiruar suksese në vazhdim të karrierës.
Kiqina para një viti iu bashkua Ferizajt, ndërsa këtë sezon ka pasur minutazhë të vogël në Superligë, duke regjistruar vetëm 6 paraqitje.
Para Ferizajt, Kiqina ka qenë pjesë e Erzenit, Llapit dhe Feronikelit ’74.
Skuadra e Ferizajt, stinorin vjeshtor në elitën e futbollit kosovar, e ka mbyllur në pozitën e 8-të në tabelë me 20 pikë të mbledhura pas 18-të ndeshjeve të luajtura.
