Albert Kinolli nga Parti Rome e Bashkuar e Kosovës, ka thënë se nuk është i kënaqur me vendimin e sotëm të Gjykatës Kushtetuese e cila ka rrëzuar kërkesën e tij për orkestrim të votave nga Lista Serbe dhe komuniteteve tjera.
Kinolli në Tëvë1, madje tha se Iniciativa Qytetare Rome është prodhim i Listes Serbe dhe nuk i përfaqëson interesat e qytetarëve rom.
“Sinqerisht nuk mund të jemi të kënaqur me këtë vendim për shkak se po krijohet një precedant në sistemin tonë juridik. Ajo që neve po na habit më shumë është se kërkesat tona apo ankesat tonë në Gjykatën Kushtetuese nuk ka qenë e ndarë. Unë dhe zotëri Berisha kemi paraqitë ankesë të përbashkët dhe tash me këtë përgjigje të cilën po e dëgjojmë nuk jemi të kënaqur, sepse ne e dimë që kjo iniciativë qytetare rome kinse po i përfaqëson interesat e komunitetit rom në fakt kjo është prodhim i Listës Serbe, është iniciativë qytetarë fantome që e ka kriju për interesa personale të Listes Serbe dhe këtë më së miri e ka dëshmu ky përfaqësues sipas meje gjithmonë jolegjitim për shkak se ka shkuar me vota jolegjitime, jo të komunitetit rom, por me votat e Listes Serbe”, tha ai.
Teksa theksoi se “nga momenti kur Lista Serbe bojkotoi Kuvendin, nga ai moment edhe ky deputet jolegjitim nga e ashtuquajtura Iniciativa Rome Qytetare i është bashkangjitur Listes Serbe dhe tani e shtatë muaj nuk merr pjesë në seance dhe në komisione të Kuvendit të Kosovës”./teve1.info
