Deputetja e LDK-së, Doarsa Kica-Xhelili ka thënë se sot për herë të tretë ka dështuar mbledhja e Komisionit Hetimore për rezervat shtetërore.
Ajo ka thënë se LVV po e bojkoton këtë komision dhe sipas saj arsyeja dihet.
“Hera e tretë sot që dështon mbledhja e Komisionit Hetimor për skandalet e rezervave shtetërore. VV po e bojkoton këtë komision. PSE-në tashmë e dini”, ka shkruar ajo në Facebook.
Kuvendi i Kosovës para dy javë ka miratuar krijimin e komisionit hetimor parlamentar që do t’i hetojë dyshimet për keqmenaxhim me rezerva shtetërore, saktësisht për vaj, grur e sheqer.
Pro kanë votuar partitë në opozitë, dhe shumica e deputetëve të Vetëvendosjes, përveç disave që kanë votuar kundër.
Anëtarë të VV-së në këtë komision do të jenë: Armend Muja, Halil Thaçi, Shqipe Metaj-Isufi, Driton Hyseni dhe Salih Zyba.
Anëtarë të PDK-së do të jenë Rashit Qalaj dhe Ferat Shala. Të LDK-së, Valentina Bunjaku e Doarsa Kica, kurse nga AAK-ja, Pal Lekaj.