Deputetja e LDK-së, Doarsa Kica-Xhelii ka thënë se takimi i sotëm me gazetarë e opinionistë, ishte normal.
“Një takim normal, plotësisht normal, për shkak të një situate jonormale në vend; një takim të shëndoshë, madje pa asnjë shenjë partiake, me gazetarë dhe opinionistë, në mes të Prishtinës, për t’a diskutuar gjendjen dhe orientimin diplomatik të Kosovës – pushteti e mbështetës të pushtetit kanë vendosur ta shtrembërojnë. Dehumanizojnë”, ka shkruar ajo.
Ajo ka shtuar se të mirë për pushtetin janë vetëm ata që mendojnë si ata dhe takohen vetëm me ta.
“Merreni një ishull e vetizolohuni atje e po të doni çmenduni brenda panikut tuaj”.
“Kosova e tillë nuk është e nuk ju lejojmë ta shndërroni në të tillë”, ka shtuar deputetja.
