Deputetja e LDK-së, Doarsa Kica-Xhelili ka thënë se kanë një problem serioz me ligjet që është duke i kaluar pozita.
Ajo tha se këto ligje përveç që janë në kundërshtim me Kushtetutën dhe praktikat e BE-së, janë thuajse të shkruara të mos zbatohen.
“E kemi një problem tepër serioz me ligjet që po i kalon pozita. Përveç që janë në kundërshtim me Kushtetutën dhe praktikat e BE-së, janë thuajse të shkruara të mos zbatohen. Përveç që janë të pazbatueshme, janë në kundërshtim me ligje tjera që VET po i sjellin. Kjo do ta shkaktoj një kaos total në drejtësi edhe ashtu të brishtë. Nuk mbaj mend që ndonjëherë pushteti është ndier kaq rehat me amaterizëm”, ka shkruar ajo.