Deputetja e LDK-së, Doarsa Kica-Xhelili, ka thënë se posedimi i armëve pa leje në Kosovë po shndërrohet në tmerr e frikë kurse ka kërkuar nga institucionet e Kosovës që ta mendojnë urgjentisht trajtimin e posedimit të armëve në Kosovë, raporton teve1.info
Përmes një statusi në Facebook, ajo i ka shprehur ngushëllime familjes së të vdekurit nga plagët e marra në lokalin “Bon Vivant” në kryeqytet, derisa rastin e plagosjes edhe të 17 të tjerëve nga nj përleshje brenda lokalit e ka quajtur tragjedi.
“💔 Shumë dhimbje sot!
E tronditur dhe e lënduar thellësisht nga tragjedia mbrëmë në një lokal në Prishtinë!
Tanimë 1 viktimë ka ndërruar jetë ndërkaq konfirmohen 17 të lënduar me armë zjarri dhe mjete tjera.
Në raste si ky nuk ke si të mos mendosh për drejtimin që po merr shoqëria jonë, për mungesën e mirëkuptimit e vlerësimit të jetës e dinjitetit të njëri tjetrit, për arsyet e këtij mllefi kolektiv e për domosdoshmërinë e një rikëndelljeje mbarëshoqërore.
Posedimi i armëve pa leje në Kosovë po shndërrohet në tmerr e frikë të përditshmërisë sonë!
Institucionet e Republikës së Kosovës duhet ta mendojnë seriozisht dhe urgjentisht trajtimin e posedimit të armëve në Kosovë, ndërkaq pres nga sistemi i drejtësisë ta zbardh këtë rast dhe kryerësit t’i mbaj përgjegjës.
Familjes së viktimës i shpreh ngushëllime të sinqerta!
Të lënduarve i uroj shërim sa më të shpejtë!
Shumë dhimbje sot!”, ka shrkuar Kica-Xhelili.
