Nënkryetarja e LDK-së, Doarsa Kica – Xhelili, ka thënë se akterë të partisë në pushtet më shumë merren me LDK-në se tërë pushtetin e partitë tjera bashkë.
Ajo ka thënë se LDK-së i mbetet vetëm të mendohet nëse ia vlen të reagohet apo të heshtet kur ballafaqohet me “një injorancë të partive tjera, e kur për LDK flasin ata që e kanë pasur të ndaluar për të hyrë në Kosovë e që s’i kanë besuar Kosovës si projekt i përhershëm”.
“MOTI merren me ne! Akterë të VV, më shumë merren me LDK se tërë pushtetin e partitë tjera bashkë. Gjuha shkon ku dhemb dhëmbi, thonë.
Kur flasin për LDK ata të cilët para se të vinin në pushtet kishin NDALESË të hynin në Kosovë;Kur flasin për lidership ata që Kosovën ose e zhvatën, ose nuk e besuan kurrë si projekt të përhershëm; Ne na mbetet vetëm të hamendësohemi nëse heshtja ka më shumë peshë se reagimi kur ballafaqohet me injorancë”, ka shkruar ajo.
