Përkundër kësaj, Departamenti Ekonomik në kuadër të Gjykatës Themelore në Prishtinë nuk ka pësuar ndryshime në staf.
Këtë e ka konfirmuar për tëvë1 Këshilli Gjyqësor i Kosovës.
“Numri aktual i gjyqtarëve në departamentin ekonomik është pesë gjyqtarë.
Numri i gjyqtarëve në Departamentin Ekonomik nuk është zvogëluar asnjëherë”, thuhet në përgjigjen e Këshillit Gjyqësor të Kosovës.
Por, me këtë shifër nuk pajtohen shoqëria civile e cila monitoron punën e gjyqësorit.
E numër më të madh të atyre që do të thonë fjalën e fundit për çështjet gjyqësore, konsiderohet se do të ketë në Gjykatën Komerciale.
Me ligjin e miratuar në shkurt të këtij viti, KGJK-ja ka hapur konkurs për staf.
Me krijimin e Gjykatës Komerciale, KGJK ka publikuar konkursin për: Kryetar të Gjykatës; pesë pozita për Dhomat e Shkallës së Dytë, dhe nëntë pozita për Dhomat e Shkallës së Parë.
Këta gjyqtarë pritet të merren edhe me çështjet të trashëguara nga Departamenti Ekonomik.
Departamenti Ekonmik për vitin 2021 sipas raportit të KGJK-së ka pasur efikasitet mbi 58 %, duke zgjidhur 651 lëndë dhe duke i lënë 1 mijë e 691 lëndë të tjera.
Kronika e realizuar nga Florijeta Dernjani
