KFOR-it i janë shtuar edhe 130 ushtarë rumunë.
Kështu ka bërë të ditur Ministria Rumune e Mbrojtjes duke thënë se kjo ka ndodhur me kërkesë që ka bërë selia e NATO-s.
Kjo ministri ka bërë të ditur se tashmë numri i ushtarëve rumunë në Kosovë shkon në 210, raporton teve1.info
“Ushtria rumune ka përfunduar shtimin e kontingjentit pjesëmarrës në misionin e NATO-s në Kosovë, me gjithsej 130 ushtarë”, thuhet në njoftim.
Gjithashtu, në këtë njoftim është bërë e ditur se si është marrë vendimi për shtimin e forcave.
“Vendimi për shtimin e forcave rumune është marrë si rezultat i autorizimit nga Këshilli i Atlantikut të Veriut për plotësimin e forcave për menaxhimin e situatës aktuale në Ballkanin Perëndimor”.
Rumania ka supozuar, se si një aleat i NATO-s dhe vend anëtar i Bashkimit Evropian, do të kontribuojë me forcat dhe mjetet ushtarake që ka në dispozicion për të ruajtur një mjedis të qëndrueshëm sigurie në rajonin e Ballkanit Perëndimor.
Rumania aktualisht ka të angazhuar 250 ushtarë në Bosnje dhe me kontingjentin që është dërguar sot në Kosovë, numri i ushtarëve të saj në KFOR shkon në 210./teve1.info/
