Ushtarët e Finlandës, pjesë e Komandës Rajonale-Lindje të misionit të KFOR-it të udhëhequr nga NATO, në koordinim të ngushtë me Aviacionin e Task Forcës së Ushtrisë Amerikane, kanë zhvilluar një stërvitje trajnimi Medevac në Kampin Bondsteel, Kosovë.
“Stërvitja, e mbështetur nga një helikopter UH-60 Black Hawk, simuloi evakuimin e viktimave në kushte reale”, thuhet në njoftim.
Sipas KFOR-it, trupat kryen ushtrime për hipjen dhe zbarkimin e viktimave gjatë operacioneve me helikopter aktiv, përfshirë edhe situata kur tehet e helikopterit ishin në rrotullim.
“Stërvitje të tilla forcojnë ndërveprimin dhe kohezionin ndërmjet njësive të KFOR-it dhe rrisin gatishmërinë e tyre operacionale për t’iu përgjigjur emergjencave reale”, thuhet tutje në njoftimin e KFOR-it.
