Misioni paqeruajtës i NATO-s në Kosovë, KFOR, njofton se do të sigurojë mjedis të sigurt për të gjitha komunitetet në Kosovë, për shkak të zgjedhjeve në Serbi.
Përmes një njoftimi, nga KFOR-i thonë se janë të përkushtuar të marrin të gjitha masat e duhura, raporton teve1.info
“KFOR-i është i përkushtuar të marrë të gjitha masat e duhura në mënyrë që të vazhdojë të sigurojë një mjedis të sigurt për të gjitha komunitetet në Kosovë dhe lirinë e lëvizjes, gjatë periudhës zgjedhore; në përputhje me mandatin e tij bazuar në Rezolutën e Këshillit të Sigurimit të OKB-së 1244 të vitit 1999; në çdo kohë dhe në mënyrë të paanshme”, thuhet në njoftim.
Nesër më 17 dhjetor, Serbia mban zgjedhjet parlamentare.
Sipas vendimit të Komisionit Republikan të Zgjedhjeve në Serbi, më 17 dhjetor, serbët nga Kosova do të mund ta ushtrojnë të drejtën e votës në qytetet kufitare të Serbisë: Vranjë, Kurshumli, Rashkë dhe Tutin.
