Në gurin e varrit, ju shkrua vetëm gjysma e emrit.
Kjo pasi Gentrit Rexhepi në klasën e parë, i kishte mësuar vetëm gjysmën e shkronjave.
6-vjecari nga Zllatari i Ferizajt, u qëllua aksidentalisht për vdekje nga Nicholas Young, ushtar i ri amerikan që atëkohë shërbente në Kosovë.
E gjithë ngjarja ndodhi me 10 korrik të vitit 2000, në afërsi të shkollës “Njazi Rexhepi” në Sllatinë të Epërme të Vitisë.
E në përvjetorin e 23, familja Rexhepi shkoi për ta përkujtuar të birin.
Por, për dallim nga përvjetorët e kaluar, vizitë tek varri i Gentritit paralajmëroi edhe një delegacion i veçantë.
Nuk vonoi shumë, në varrezat e fshatit Zllatar të Ferizajt, nga kampi Bond Steel, erdhi delegacioni i KFOR-it amerikanë.
Në hyrje të varrezave, ushtarakët u pritën nga vet familjarët.
Fjalë mire se ardhje, iu shprehu kryefamiljari, Deli Rexhepi.
Më pas, tek varri i Gentrit Rexhepit, ushtarakët vendosën kurora lulesh.
Ndërsa, u njoftuan nga afër edhe me simbolikën e gurit mbi varr.
Më pas ushtarët amerikan, hoqën kapelën në shenjë respekti, para varrit të Gentritit.
E nuk munguan as lutjet për të.
Edhe dhimbja është e madhe.
Pas homazheve, ushtarët e KFOR-it, vizituan edhe shtëpinë e familjes Rexhepi.
E këtu, ushtarakët u pritën me lule.
“Sot po e vizitojmë këtë familje me nderin, respektin dhe përkuljen më të madhe për ta nderuar Gentritin, në përvjetorin e ditës tragjike të shumë viteve më parë. Kjo është një familje vërtetë e durueshme dhe ka një ambient familjar mes kësaj familje dhe KFOR-it”, tha koloneli amerikan, Ross Walker.
Ai thotë se për ta familja Rexhepi, tashmë është e afërt.
“Në përpiqemi ta nderojmë Gentritin çdo vit, pavarësisht se kush ndodhet këtu nga ushtarët amerikanë dhe KFOR-i, përpiqemi ta mbajmë gjithmonë në kujtesë sepse për neve tanimë kjo është familja jonë e zgjeruar”, shtoi Walker.
E babai i Gentritit, Deliu, thotë se vizitat si këto ua lehtësojnë dhimbjen.
“Jo familjes, por edhe rrethit më të gjërë na i lehtesojne mërzinë. Kështu e ka jeta, do të vazhdojë kështu. 0:50 – Na ka ndodh qysh na ka ndodh rasti, aksidentale ka qenë”, u shpreh Deli Rexhepi, babai i Gentrit Rexhepit.
Ndryshe, një vit pas vrasjes, para gjykatës ushtarake amerikane në Gjermani, familja Rexhepi, ia fali Amerikës gjakun e të birit.
