E ftuar në emisionin “Info Nata” në Tëvë 1, ajo thotë se ka ende shumë punë për të bërë në këtë drejtim në mënyrë që ata të mos jenë të margjinalizuar.
Madje, ajo përmendi edhe faktin se statistikat janë “të këqija” në raport me punësimin e komuniteteve në institucione.
“Patjetër që ka shumë punë për të bërë edhe sidomos tash ka pasë shumë investime në kohën e fundit edhe prej qeverive por edhe shoqërisë civile për arsimim më të zhvilluar të komuniteteve tash ka shifër më të mirë për vijueshmërinë në shkollë. Mirëpo statistikat për punësim janë ende të këqëija. Në të kaluarën kanë thënë se nuk ka kuadro, s’ka të kualifikuar por tash s’mund ta marrim ashtu tash duhet ta pranojmë që ka njerëz të kualifikuar dhe ekziston diskriminim dhe duhet luftuar atë”, tha ajo.
Tutje, Gowing ka folur edhe për ekspozitën “Romama” që po mbahet në kuadër të Manifestas.
Sipas saj, kjo ekspozitë është shumë e bukur për shkak se është edhe inspiruese për pjesëtarët e komuniteteve joshumicë në vend që të krijojnë vepra të tyre.
“Po është shumë e rëndësishsme sepse është shumë e bukur pra çdo bukuri është e rëndësishme për ne por edhe shumë mirë që është ekspozitë e punuar nga një arstiste rome dhe ne si shoqëri nuk jemi mësuar të shohim shpesh që Romët kanë arritur në jetën profesionale edhe pse ka shumë shembuj të mirë edhe çdo mundësi që kemi me lavdu me bë reklamë për ato shembuj të mirë është mirë për ne si shoqëri është inspirim për të gjithë artistët për të gjithë komunitetet që mund të arrijnë diçka”, shtoi ajo.
