Hoxha në Tëvë1 theksoi se si Këshill i Prindërve në kryqytet nuk ka marrë asnjë veprim deri sot, me shpresën se mësimi do të fillojë shpejt.
“Ne deri më tani e kemi lënë secilin Këshill të Prindërve në shkolla të funksionojë në mënyrë të pavarur duke i bërë kërkesat të ndryshme, qoftë takime me SBASHK-un, qoftë me presidenten duke adresuar kërkesat tona dhe ftesën tonë për ndërprerje të grevës te Avokati i Popullit dhe te çdo sektor tjetër. Mirëpo nuk kemi shpresuar thënë të drejtën anëtarët e kryesisë së Këshillit të Prindërve nuk kemi shpresuar që do të zgjasë kaq shumë. Dhe për çdo ditë kemi shpresuar se sot do të zgjohemi në mëngjes dhe sot të marrim lajmin e mirë se do të filloj mësimi, kjo ka qenë edhe arsyeja pse ne nuk kemi marrë veprime deri me tash”, tha ai.
Por, ai tha se nëse mësimi nuk fillon deri më 1 tetor atëherë do të ketë protesta masovike.
“Ne mund të kritikohemi edhe nga prindër me plot të drejtë sepse ne si Këshill i Prindërve nuk kemi bërë ndonjë veprim me përmasa të tilla, por secilën ditë kemi shpresu që do të ndalet greva. Mirëpo ne sot kemi dhënë një deklataratë që nëse nuk arrihet deri me 1 tetor një zgjidhje atëhere ne si Këshill i Prindërve do t’i marrim masat qoftë edhe lajmërimi në Polici që do të jetë një protestë masovike, që t’i tregojmë Qeverisë dhe SBASHK-ut, se ne si prindër nuk mund të durojmë më”, tha ai në emisionin “Ditari”./teve1.info./
