Përmes një postimi në Facebook, nga ky këshill kanë thënë se është e lehtë të prishësh gjithçka, por është e padrejtë greva në arsim.
“Nëse më 3 tetor nuk fillon mësimi në gjithë Kosovën, do të kërkojmë çregjistrim masiv nga shkollat dhe sistemi arsimor do të kolapsojë. Nuk do të ketë më nevojë as për shkolla, as për mësimdhënës e as për institucione arsimore! Është e lehtë të prishësh, është kollaj të bllokosh, është e padrejtë greva në arsim! HAPINI SHKOLLAT‼ Kjo thirrje nuk i përjashton edhe format e tjera të shprehjes së pakënaqësisë: protesta, marshe, hyrje në shkolla”, thuhet në njoftimin e këtij Këshilli.
Greva në arsim ka nisur më 25 gusht derisa më shumë se 300 mijë nxënës kanë mbetur në shtëpi tërë muajin shtator për shkak të mospajtimit ndërmjet sindikatave dhe Qeverisë për të dalë nga greva. /teve1.info/
