Përmes një njoftimi për media, nga ky këshill kanë bërë të ditur se ky reagim vjen për moslëvizjen e palëve drejt dialogut social.
“Duke shprehur indinjatën tonë të thellë për mos lëvizjen e palëve drejt dialogut social dhe vazhdimin e dëmtimit kryekëput të interesit të fëmijëve dhe prindërve, ia bëjmë të ditur të gjitha institucioneve se Kryesia e Këshillit të Prindërve të Kosovës do të mobilizohet dhe do t’ju bëjë thirrje të gjithë prindërve që të bojkotohet zëvendësimi i orëve të humbura nga greva”, thuhet në njoftim.
Po ashtu, nga Këshilli i Prindërve, kanë thënë se nuk pranojnë që të dëmtohen nga greva dhe t’iu përshtaten orareve jashtë ditëve të punës.
“Nuk duam të pranojmë edhe të dëmtohemi nga greva edhe t’ju përshtatemi orareve jashtë ditëve të punës apo jashtë kalendarit vjetor të mësimit”, thuhet më tej në njoftim. /teve1.info/
