Tarifat e reja të energjisë elektrike nga 1 maji kanë hyrë në fuqi. Tarifa këto që do të pësojnë ndryshime te bizneset e mëdha që kanë mbi 50 punëtorë.
Ani pse KESCO ka bërë thirrje për biznesit e vogla që të aplikojnë për furnizim me tarifa të rregulluara, për këtë ende nuk kanë dëgjuar pronarët e bizneseve.
“Së pari unë nuk e di që ka qenë diçka që me aplikuar për rrymë në si biznese, nuk jam informuar. Rryma është një problem që te ne bizneset nuk është duke u diskutuar se kemi problem të tjera, që shteti nuk është formuar, ne kemi mbet shumë keq. Rryma është një ngritje globale e jo vetëm në Kosovë”, shprehet një pronare e bizneseve.
Megjithatë, pronarja e këtij biznesi thotë se së shpejti do të aplikojë.
“Po aplikoj edhe pse nuk është kështu çështje primare se siç thash bizneset i kanë punët kërkah hiç, po flas në përgjithësi për bizneset nuk është mundu asnjëherë askush”, shprehet ajo.
E detaje për këtë çështje ka dhënë zëdhënësja e KESCO-s që është Furnizuesi me Shërbim Universal në Kosovë dhe ofron energji elektrike me tarifa të rregulluara nga ZRrE.
“Me tarifa të rregulluara nënkuptohen tarifat të cilat përcaktohen nga Zyra e Rregullatorit për bizneset e vogla dhe për konsumatorët e amvisërisë. Rrjedhimisht janë këto tarifa me të cilat konsumatorët veçse furnizohen në këtë periudhë. Për këtë arsye ne kemi vazhduar akoma fazën e aplikimit për bizneset të cilat nuk i kanë as 50 punëtorë e as 10 milionë euro qarkullim, në mënyrë që më vazhdua furnizimin me tarifa të rregulluara në KESCO”, ka thënë zëdhënsaj e KESCO, Margarita Rashiti.
Ajo madje bëri thirrje që bizneset të aplikojnë për këtë shërbim.
“Aplikimi është shumë i thjeshtë behët online përmes ëeb- faqes së KESCO dhe kërkohet vetëm numri unik i certifikatës së biznesit dhe shifra e konsumatorit të energjisë elektrike. Rrjedhimisht, nuk ju merr më shumë kohë sesa 5 minuta. Për këtë arsye të gjithë bizneset të cilat dëshirojnë të furnizohen me tarifa të rregulluara me KESCO duhet të aplikojnë deri me datën 16 maj”, thotë ajo.
Të gjitha ato biznese që nuk aplikojnë deri më datën 16 maj në KESCO, do të dalin në treg të hapur që nga data 1 qershor e njëkohësisht do të ju ndërpritet furnizimi me këtë operator.
