Policia e Kosovës ka bërë të ditur se ka arrestuar personin me inicialet Sh.H., nga Shërbimi Korrektues i Kosovës në Qendrën e Paraburgimit në Mitrovicë, pasi që i njëjti dyshohet se ka kërkuar të holla nga një student.
42-vjeçari, dyshohet se ka kërkuar të holla nga një i dënuar për t’ia mundësuar faljen e dënimit të mbetur, shkruan teve1.info.
“I identifikuari gjysmën e kësaj e kishte kërkuar tani dhe gjysmën tjetër ‘kur të duket shumë’. Policia, duke zbatuar masat e fshehta të hetimit, më 19.05.2023, në ora 18:55, në parkimin e një pike të derivateve në Mitrovicë, ka ndalur një veturë dhe kontroll (nën ulëse, në një sirtar të vogël) ka gjetur 1300 euro të cilat ishin të shënjestruara për hetimin e fshehtë”, thuhet në njoftimin e Policisë së Kosovës.
PK, ka njoftuar se i dyshuari është arrestuar dhe ndaj tij është iniciuar rast “Marrje e ryshfetit”, ku i njëjti është intervistuar në prani të avokatëve të tij dhe më pas me aktvendim të prokurorit është dërguar në mbajtje për 48 orë. /teve1.info/
