Ndër vite është ngritur si çështje kapacitetet e sistemit prokurorial.
Numri i vogël i prokurorëve, vazhdon të adresohet si problematikë në mbarëvajtjen dhe administrimin e drejtësisë nga ndërkombëtarët.
Së fundi, një gjë e tillë u adresua edhe në raportin e monitorimit të drejtësisë të Eulex-it.
Shtimi i kapaciteteve po konsiderohet se është peng i mosreformimit të sistemit të drejtësisë.
“Mungesa e prokurorëve është një prej asaj pjesës së neglizhencës e cila ekziston brenda për brenda sistemit prokurorial. Mirëpo, edhe barrierës, luftës së hapur mes prokurorisë së shtetit, pra Këshillit Prokurorial me Qeverinë e Republikës së Kosovës, sepse për të pasur më shumë prokurorë dhe për t’i përmbushur kriteret e kërkuara, natyrisht që duhet të ketë edhe buxhet i ndarë nga Qeveria”, ka thwnw juristi Anton Nrecaj.
Kapacitetet e mangëta në sistemin prokurorial, si pasojë vlerësohet se shkaktojnë zvarritjen e lëndëve.
E nga Këshilli Prokurorial, mosshtimi i numrit të prokurorëve të shtetit, është pasojë e mosndarjes buxhetore.
