Rrugën për tek shkolla ku mësoi e punoi për disa vite e mori përsëri.
Halil Xani këtë të martë erdhi edhe njëherë në ish-objektin e shkollës “Drenica” në fshatin Polac të Skenderajt.
Në këtë objekt ku punoi mësimdhënës për disa vite, nuk i ngjanë më një institucioni arsimor.
Por, të vetmet gjurmë janë fletoret, librat e testet e nxënësve, të cilat janë shpërndarë gjithandej në këtë objekt të demoluar.
“Kjo gjendje e shkollës mu me dhemb shumë sepse këtu kam mbaruar mësimet këtu ka punuar si arsimtar. Edhe mu ndërtu nga ndonjë donacion nuk është dasht kjo shkollë të bëhet në këtë gjendje, është dashur të ruhet si pasuri e fshatit e shtetit e të gjithëve, është turp në këtë gjendje të bëhet, kjo nuk është bërë nga dikush i huaj këto janë bërë nga shqiptarët”, thotë ish-arsimtari Halil Xani.
Në këtë shkollë mësoi edhe Isuf Hoti, i cili është banor i fshatit Polac,
E nga kjo shkollë prapa mureve të së cilës fshihen shumë histori të dhimbshme të Kosovës, Hoti thotë se u arsimuan shumë gjenerata.
“Me keqardhje ju them për këtë shkollë historike, nga kjo shkollë kanë dal shumë gjenerata, si gjeneral Ilaz Kodra, gjeneral, Samil Lushtaku, qe ka qene nxënës i kësaj shkolle, këtu ka qene profesor, ka pilotë pra kjo shkollë ka qit kuadro ne nivel të shteteve të jashtme, Historia e kësaj shkolle është dashur të mbrohet”, thotë Hoti.
Këtë hapësirë, Komuna e Skenderajt ia ka dhënë për shfrytëzim për 99 vite një kompanie, e cila pritet të ndërtoj një fabrikë për prodhimin e shtëpive të drurit.
“Prona në të cilin gjendet edhe shkolla e fshatit Polac, me kontratën që kemi me kompaninë i, e cila iu është dhënë prona në shfrytëzim ku do të punësimin 80-150 puneotrë, qëllim i jonë të kthehet në pronë për zhvillim ekonomik”, thotë zyrtari për Informim në Komunën e Skenderajt, Amir Lushtaku.
Por, opozita në Skenderaj nuk po e shohin si vendim të duhur një gjë të tillë.
“Absolutisht nuk jemi kundër fabrikave, dëshira jonë është me pas fabrika me pas mundësi të rigjenerimit të vendeve të punëve, por ky objekt është dashur të lihet si muze ose çerdhe e fëmijëve apo diçka tjetër që lidhet me arsimin” thotë asmablisti në Kuvendin e Skenderaj, Afrim Kabashi.
Shkolla “Drenica” në fshatin Polac ishte ndërtuar në vitin 1963 dhe ky objekt ishte funksional deri në vitin 2021.
