Përmes komunikatës, Prokuroria thekson se ekziston dyshimi i bazuar se i pandehuri në cilësinë e personit zyrtar, në Zyrën e Gjendjes Civile në Komunë, ka regjistruar persona në sistemin elektronik të gjendjes civile, duke tejkaluar kompetencat e tij.
“Sipas kërkesës, ekziston dyshimi i bazuar se i pandehuri, në cilësinë e personit zyrtar, në Zyrën e Gjendjes Civile në Komunën e Prishtinës, ka keqpërdorë detyrën zyrtare, duke regjistruar persona në sistemin elektronik të gjendjes civile, ashtu që ka tejkaluar kompetencat e tij”, thuhet ndër tjerash në njoftim.
Tutje, bëhet e ditur se me urdhër të prokurorit gjendet nën masën e ndalimit prej 48 orësh nga e mërkura./teve1.info/
