Prokuroria Themelore në Prizren, ka kërkuar një muaj paraburgim për të dyshuarin për vjedhje të arit dhe argjendit në vlerë 168 mijë euro.
Sh.H, dyshohet se më 12 janar të këtij viti nga fshati Greme të Ferizaj ka kryer vjedhje në bashkëveprim me një person tjetër kanë kryer vjedhje në një argjendari në Prizren.
“I pandehuri i arrestuar, dyshohet se me datë 12.01.2025, rreth orës 03:45min, në njërën prej argjendarive në Prizren, duke vepruar në bashkëveprim me të pandehurit tjerë NN (gjer më tani të paidentifikuar), pas një planifikimi paraprak dhe koordinimi në mes vete, me qëllim që vetes t’i sjellin dobi pasurore të kundërligjshme, ia marrin pasurinë të dëmtuarit A.B., (pronar i argjendarisë), në atë mënyrë që duke shfrytëzuar momentin kur në lokalin e të dëmtuarit nuk ishte askush, me përdorim të forcës fizike dhe të pajisur me mjete të përshtatshme e hapin derën e lokalit dhe e dëmtojnë alarmin, ku hyjnë brenda në lokal. Më pas depërtojnë në lokal, e dëmtojnë kasafortën dhe arrijnë ta hapin dhe të marrin 3 kg ari ( tre kilogram) dhe 1 kg argjend (një kilogram) në vlerë prej 168.000.00 € (njëqind e gjashtëdhjetë e tetë mijë euro) dhe pastaj të pandehurit largohen nga dera kryesore në drejtim të panjohur”, thuhet në komunikatë.
Policia e Kosovës ka njoftuar të shtunën se ka arrestuar të dyshuarin për këtë rast.
Arrestohet personi që vodhi ari në vlerë prej 168 mijë eurove në një argjendari në Prizren
