Prokuroria Speciale e Kosovës ka bërë kërkesë për një muaj paraburgim ndaj të pandehurit A.V., për shkak se i njëjti dyshohet për veprën penale “Spiunazh”.
A.V., është arrestuar mbrëmjen e së mërkurës në Mitrovicë pas hetimeve disamujore nëpërmjet Agjencisë së Kosovës për Inteligjencë (AKI) dhe Policisë së Kosovës.
I arrestuari për spiunazh siç ka mësuar Tëvë1 është i nacionalitetit serb – Aleksander Vlajiq, ish-polic i Kosovës.
Javë më parë në Ferizaj janë arrestuar dy persona për spiunazh. Të arrestuarit ishin njëri ish-zyrtar i Policisë së Kosovës dhe tjetri ish-punëtor i Doganës së Kosovës./teve1.info/
