Prokuroria Themelore në Mitrovicë ka kërkuar që të caktohet paraburgim për të pandehurin në lidhje me laboratorin e drogës në Leposaviq.
Prokuroria Themelore në Mitrovicë, ka kërkuar që të caktohet paraburgim për të pandehurin, lidhur me laboratorin e drogës në Leposaviq.
“Prokuroria Themelore në Mitrovicë, Departamenti i Krimeve të Rënda, pranë Gjykatës Themelore në Mitrovicë, ka paraqitur kërkesë për caktimin e paraburgimit për të pandehurin R.V., pasi ekziston dyshimi i bazuar se ka kryer veprat penale ‘Prodhimi dhe përpunimi i paautorizuar i narkotikëve, substancave psikotrope, analoge apo veglave, pajisjeve apo materialeve narkotike’ nga neni 268 lidhur me nenin 31 e 275, dhe ‘Kultivimi i bimës së hashashit, shkurres së kokainës ose bimëve të kanabisit’ nga neni 272 të Kodit Penal të Republikës së Kosovës”, thuhet në njoftimin e Prokurorisë Themelore në Mitrovicë.
Po ashtu, në njoftimin e tyre thuhet se i njëjti në shtëpinë e tij në fshatin Graniqane të Leposaviqit, pa autorizim ka prodhuar, kultivuar, përpunuar dhe nxjerrë substanca preparate që janë shpallur si narkotikë.
“I pandehuri, prej datës së pacaktuar e deri me datë 24 shkurt 2024, në shtëpinë e tij në fshatin Graniqane të Leposaviqit, pa autorizim ka prodhuar, kultivuar përpunuar dhe nxjerrë ose përgatitur substanca preparate që janë shpallur si narkotikë ose substanca psikotrope, në atë mënyrë që i pandehuri në shtëpinë e tij i ka përshtatur dy dhoma në laborator duke shfrytëzuar aparatura të llojeve të ndryshme ku ka arritur që të kultivojë dhe prodhojë bimë të ndryshme narkotike”, thuhet më tej.
Kujtojmë se personi në fjalë është në ndalim që nga 24 janari i këtij viti, teksa seanca dëgjimore ndaj tij pritet të mbahet sot./teve1.info/.
Aksion i Policisë në Leposaviq, shkatërrohet një laborator droge e arrestohet një person
