Prokuroria Themelore në Pejë ka kërkuar paraburgim prej 30 ditëve ndaj të pandehurit B.B., nën dyshimin për “vjedhje të rëndë”.
Ai dyshohet se të hënën në Pejë, kishte hyrë në një shtëpi dhe kishte vjedhur gjësende me vlerë deri 120 mijë euro.
“Sipas prokurorisë, i pandehuri B.B, me datë 21 prill 2025, në Pejë, rreth orëve të mëngjesi, duke e shfrytëzuar momentin e volitshëm, pasi pronari së bashku me familjarët e tij gjendej për pushime jashtë vendit, i pandehuri duke përdorur forcën hap dritaren e dhomës se fjetjes ne katin e dyte të shtëpisë hynë brenda ku nga aty merr sasi te arit ne vlere rreth 30.000 (tridhjetëmijë) euro, para te gatshme rreth 7.000 (shtatë mije) euro, si dhe ore dorë te markave te ndryshme ne vlere rreth 87.000 (tetëdhjetë e shtatëmijë euro), me pas largohet nga vendi pa e vërejtur nga askush, ashtu që gjatë kontrollit nga Policia e Kosovës me datë 21.04.2025 në shtëpinë e të pandehurit gjejnë ora te markave te ndryshme të cilat i përkitnin viktimës.
Prokurori i shtetit, gjatë seancës se procedurës paraprake do kërkoje nga gjyqtari që të pandehurit t’i caktohet masa e paraburgimit”, ka njoftuar Prokuroria.
