Prokuroria Themelore në Prizren ka njoftuar se ka kërkuar nga Gjykata Themelore në Prizren, caktimin e masës së paraburgimit në afat prej 30 ditësh ndaj dhjetë personave të dyshuar për veprën penale ”Organizimi i skemave piramidale dhe bixhozit të paligjshëm”.
Të pandehur janë L.R.,P.B., B.Q., F.C., B.K., P.Sh., N.R., S.B., R.A., dhe M.Sh., të cilët gjenden në ndalim 48-orësh për kryerjen e kësaj vepre.
“Sipas kërkesës me datë 28.02.2025, rreth orës 23:00 minuta, në Suharekë, në kafiterinë “R.G.Z”, i pandehuri L.R., (pronar i lokalit), me qëllim të përfitimit të kundërligjshëm të dobisë pasurore për vete, organizon dhe merr pjesë në organizimin e lojërave të fatit, të cilat janë të ndaluara me Ligjin Nr.06/L-155 për ndalimin e lojërave të fatit, ashtu që në mënyrë të kundërligjshme dhe të fshehtë, lokalin e përdorë për lojëra të fatit, ku me rastin e lokalizimit të vendit nga zyrtarët policor kur të njëjtit tentojnë të hyjnë në lokal, dera e lokalit ishte e mbyllur me çelës nga brenda, dhe ishte me pak ndriçim, e pas tentimit të zyrtarëve për ta hapur derën, aty i pandehuri L.R., e hap derën, ku gjatë kontrollit nga zyrtarët policorë brenda në lokal në tavolinat ku kanë qenë ulur të pandehurit e lartëcekur janë hasur në total dyqind e tetë (208) letra, nëntëdhjetë e gjashtë (96) kartela me mbishkrimin AliExpress me barcode, të cilat dyshohet se janë kartela për lojërat e fatit online”, thuhet në njoftim.
Nga të pandehurit thuhet se janë sekuestruar në total 15 mijë e 260 euro dhe 1 mijë e 200 franga, ndërsa tek i pandehuri L.R., pronari i lokalit të lartcekur gjithashtu janë gjetur letra në sasi prej 3 mijë e 326 copë të cilat janë përdorur për lojë bixhozi natën kritike./teve1.info/
Policia jep detaje për aksionin ku u arrestuan dhjetë persona në Suharekë
