Misioni i KFOR-it në Kosovë, ka thënë se është i gatshëm që për çdo situatë t’i dal në ndihmë Policisë së Kosovës.
“Misioni i KFOR-it i drejtuar nga NATO dënon ashpër sulmet e fundit kundër pjesëtarëve të Policisë së Kosovës. Ne konfirmojmë gatishmërinë tonë për të mbështetur Policinë e Kosovës, nëse është e nevojshme dhe e kërkuar”, thuhet në reagimin e KFOR-it.
Bashkimi Evropian këtë veprim e ka cilësuar si të papranueshëm. Madje në reagimin e tyre në Twitter, BE kërkon po ashtu bënë thirrje që të shmangen spekulimet e panevojshme.
“I bëjmë thirrje të gjithëve që t’i shmangin spekulimet e panevojshme që mund të shtojnë tensione të mëtejshme, duke theksuar se hetimi i rastit do të bëhet nga organet përkatëse ligjzbatuese”, thuhet në reagimin e BE-së.
Si shqetësues këtë rast e ka cilësuar ambasada e SHBA-së në Kosovë, e cila me anë të një reagimi ka thënë se është thellësisht e shqetësuar për sulmin me armë dhe gur që është bërë ndaj policisë së Kosovës.
Eksperti i sigurisë Sheqir Kutllovci thotë se tani institucionet e sigurisë duhet të tregohen edhe më vigjilente.
Pikat kufitare mes Kosovës dhe Serbisë historikisht kanë prodhuar probleme ndëretnike mes palëve.
