Qeveria para dy javësh miratoi Strategjinë pesë-vjeçare për parandalimin dhe Luftimin e Terrorizmit.
Kjo strategji po mirëpritet nga njohës të fushës së sigurisë.
Mentor Vrajolli nga Qendra Kosovare për Studime të Sigurisë, vlerëson se institucionet duhet fokusuar më shumë tek parandalimi i terrorizmit në faza të hershme të personave të dyshuar.
Sipas tij, në vend ka shenja të ekstremizmit në baza etnike, dhe se siç thotë ai, duhet zhvilluar një dialog të brendshëm sidomos me qytetarët serbë në veri të vendit në mënyrë që të ulen tensionet.
Edhe njohësi i çështjeve të sigurisë, Nuredin Ibishi thotë se miratimi i kësaj strategjie është një hap i duhur drejt parandalimit të një dukurie të tillë.
Në bazë të strategjisë së miratuar, Kosova përveç me forma tjera të aktiviteteve terroriste me motive nacionaliste dhe politike, por edhe me tendenca për ndërhyrje në rendin kushtetues, përballet edhe me terrorizmin me motive fetare.
Andaj kjo strategji është e bazuar në katër objektiva që synon t’i arrijë brenda kësaj periudhe kohore: Parandalimi, Mbrojtja, Ndjekja dhe Reagimi.
