“Ne financojmë” është motoja që ka për ka synim përkrahjen e grave në biznese përmes marrjes së kredive.
Banka Qendrore e Kosovës dhe Banka Evropiane për Rindërtim dhe Zhvillim (BERZH) së bashku me iniciativën ËE për gratë sipërmarrëse, kanë nisur programin për përmirësimin e qasjes së grave ndërmarrëse në financa.
Disa detaje për këtë marrëveshje i dha guvernatori i BQK-së, Ahmet Ismaili.
“Banka synon të zhvilloi një panel, dashbord që do të adresoj rëndësinë e madhe të indikatorëve kyq financiar, ky dashbord do të na mundësoi të bëjmë progres dhe të ndajmë të dhëna për pjesëmarrjen e grave në biznese financiare duke siguruar transparencë dhe llogaridhënie, si rregullator është e nevojshme të bashkëpunohet dhe bashkërendohet aktivitetet tona me institucionet mikrofinanciare, institucione bankare dhe partnerë ndërkombëtar”, ka deklaruar ai.
E e pranishme ishte edhe presidentja Vjosa Osmani, e cila tha se qasja në financa është thelbësore për krijimin, rritjen dhe qëndrueshmërinë e bizneseve.
“Shumë gra ndërmarrëse, përballen me pengesa për të sigurua resurset e nevojshme financiare në terma apo shprehje praktike, imagjinojeni një grua që nisë një biznes prodhues të vogël, ajo ka gjitha aftësitë është kërkesë e tregut ka një plan të mirë biznesi, por megjithatë ajo përballet me refuzim nga institucionet financiare për arsyeje të mungesës së kolateralit apo për arsyeje të rrezikshmërisë së papërceptuar pa qasje në kredi nuk mund të blej pajisje të nevojshme, nuk mund të punësoje punëtor apo të rrisë biznesin është mundësi e humbur për të”, tha Osmani.
Pjesë e këtij lansimi ishte edhe shefi i Bankes Evropiane per Rindërtim dhe Zhvillim.
Sergiy Maslichenko u shpreh se gratë janë agjente kyçe të ndryshimit dhe se sipas tij duke u ofruar atyre qasje të barabartë në financa, mund të ndërtohet një e ardhme më gjithëpërfshirëse dhe më të qëndrueshme për të gjithë.
Vitin e kaluar, Banka Qendrore e Kosovës dhe BERZH-i kanë nënshkruar një marrëveshje për të mbështetur këto politika në kuadër të kodit ËeFinance. Që atëherë është organizuar një punëtori me institucionet financiare, dhe në fillim të këtij viti, është ndryshuar udhëzimi për regjistrin e kredive, i cili adreson disa nga nevojat e këtij projekti.
