Qeveria e Kosovës në shkurt të këtij viti ka miratuar ligjin për Siguri Kibernetike.
Megjithëse, në kuadër të tij parashihehej themelimi dhe forcimi i mekanizmave për siguri kibernetike, qysh prej atëherë nuk është ndërmarrë diçka konkrete.
Eksperti i sigurisë kibernetike, Kastriot Fetahaj, konsideron se nisur nga aftësitë e tanishme të Kosovës, nëse zvarritja e këtij procesi shkon me këtë ritëm, vendi pëson vazhdimisht.
“Qoftë agjensioni qoftë qendra trajnuese janë duke u zvarritur, nuk janë duke u punu me intensitetin e nevojshëm për të ngritur kapacitetet. Mirëpo edhe nëse këto themelohen sot dhe fillojnë me kapacitete të plota, ngritja e ekipeve për siguri kibernetike dhe zgjerimi i personelit për siguri kibernetike nuk mund të bëhet për njëperiudhë të shkurtë”, thotw Fetahaj
E eksperti tjetër i sigurisë kibernetike, Tanzer Abazi vlerëson se ngecja në fazën fillestare mund të jetë si shkak i hulumtimit dhe përgaditjes strategjike.
“ Me 23 shkurt është aprovu ligji i cili parasheh ndërtimin e Agjensionit për Siguri Kibernetike dhe po ashtu një Qendër trajnuese në FSK, që po besoj se deri më tash nuk janë themelu këto institucione, mirëpo është duke u ndërtuar strategjia dhe po punojnë akterë ndërkombëtarë dhe vendor për me i stabilize dhe kriju ato sa ma shpejtë”, vlerëson Abazi.
Sipas të dhënave të Qendrës së Gjenevës për Qeverisje në Sektorin e Sigurisë, Kosova është vendi i tretë në Ballkanin Perëndimor që ka formuar një ekip përgjegjës për reagim ndaj incidenteve të sigurisë kibernetike, pas Malit të Zi dhe Bosnje dhe Hercegovinës.
